«Մարտիրոսյանը տիպիկ «перебежчик» է (դասալիք)»,- սեպտեմբերի 19-ին «Փաստարկ» մամուլի ակումբում, անդրադառնալով Ադրբեջանի տարածքն անցած «Ներազգային ազատագրական շարժման» ղեկավար Վահան Մարտիրոսյանին, ասաց «Ընդդեմ իրավական կամայականության» հասարակական կազմակերպության նախագահ Լարիսա Ալավերդյանը:
Նա նկատեց, որ մի անարժան քաղաքացուց Հայաստանը ազատվել է. «Ի վերջո ցանկացած պետության մեջ կան արժանի քաղաքացիներ եւ ոչ արժանի, կան իրականում պայքարողներ եւ կան ձեւացնողներ: Մենք ու մերոնք հստակ գիտենք, որ չկա այդպիսի շարժում, ինչպիսին է ներքին ազատագրականը: Ձեւակերպման մեջ է այդ անգրագիտությունը, նշվել է եւ կարծեմ ծիծաղի է նաեւ արժանացել. չի լինում ներքին ազատագրական խնդիր, դա հիվանդ երեւակայություն ունեցող, ես չեմ խոսում ֆիզիկական կամ հոգեկան հիվանդության մասին, եւ վերին աստիճանի անգրագետ մեկի, որն ըստ երեւույթին, ուներ նպատակ ոչ արժանապատիվ քայլը ինչ-ինչ խավերի համար դարձնել հերոսություն: Էլի պատահում է»:
Լարիսա Ալավերդյանը նշեց, որ իրեն մասնավորապես մտահոգում է Վահան Մարտիրոսյանի երեխայի իրավունքների պաշտպանությունը Ադրբեջանում: Նա ընդգծեց, որ ընտրությունը կատարել են չափահասները եւ ընտրել են մի պետությունը, որը դատապարտվել է Եվրամիության կողմից. «Եթե երկու չափահաս կայացրել են այդ որոշումը իրենց կամքով, մենք հասկանում ենք, որ այդտեղ կա երեխա: Պետք է հստակեցնեմ իմ մոտեցումը, որ վերին աստիճանի դատապարտելի են պահել Ադրբեջանում նրանք, ովքեր իրենց իրավապաշտպան են կոչում: Այսինքն՝ որ դրանք հատուկ ծառայությունների գործողություններ են, բոլորը հասկանում են, այդ թվում նաեւ Ադրբեջանում: Եվ դրա մեջ մասնակցելու այդ անարժանապատիվ դերակատարությունը իրենց վրա վերցրել են իրենց իրավապաշտպան կոչող կազմակերպությունների ղեկավարները: Ցեխ է շպրտված իրավապաշտպան համայնքի վրա»:
Նա նկատեց, որ պետք է հստակեցնել, թե ինչ լավ է, որ այդ հանգամանքը տեղի չի ունեցել օրհասկաան պահին, որ տեղի է ունեցել մեր հասարակության ինքնամաքրման ճանապարհին. «Ըստ երեւույթին, անձն ընտրել է մի երկիր, որը համապատասխանում է թե՛ իր ինտելեկտուալ, թե՛ իր չակերտներում իրավապաշտպան չափանիշներին: Ես չեմ կարծում, որ այստեղ այլ խնդիր կա՝ բացի երեխայի իրավունքներից»:
Կարդացեք նաև
Ամի ՉԻՉԱԿՅԱՆ
