«Ադրբեջանի ղեկավարությունը բազմիցս այդ կարգի հայտարարություններ է անում: Մի կողմից նոր բան չկա, մյուս կողմից փաստորեն ընդունում են, որ Ադրբեջանը Լեռնային Ղարաբաղի հիմնախնդրի վերաբերյալ իր կեցվածքով չի վայելում եռանախահագող երկրների եւ միջազգային հանրության աջակցությունը»,- Ալիեւի վերջին հայտարարության վերաբերյալ Aravot.am-ի հարցին ի պատասխան հայտարարեց Հայաստանի արտաքին գործերի նախարար Էդվարդ Նալբանդյանը:
Հիշեցնենք, որ Ադրբեջանի նախագահ Իլհամ Ալիեւը երեկ հայտարարել էր, որ Լեռնային Ղարաբաղի հակամարտությունը պետք է լուծվի իրավական նորմերի ու Ադրբեջանի տարածքային ամբողջականության շրջանակներում: Նա հերթական անգամ Հայաստանին մեղադրել էր «ադրբեջանական հողերի 20 տոկոսն օկուպացնելու» մեջ:
Նա նշեց, որ Ադրբեջանն այս անգամ, իրենք ուղղակի դատապարտում են եռանախագահող երկրներին իսլամաֆոբիայի մեջ: «Նրանք ասում են նաեւ, որ Ադրբեջանն ամենահանդուրժողական, տոլերանտ, բազմամշակութային երկիրն է, որը կարող է օրինակ ծառայել աշխարհին: Ասում են, որ ցավոք Ադրբեջանը միակն է: Քիզ նման, քիզ նման, ո՞վ կա Ադրբեջանի նման»,- պատասխանեց Էդվարդ Նալբանդյանը:
Ըստ նախարարի՝ Ադրբեջանը մենակ է, որովհետեւ իրենց պատկերացրածը, ոչ ոք չի կարող կիսել. «Իրենց թվում է, թե եթե շոուներ, կոնֆերանսներ կազմակերպեն իրենց երկրում, ավելի գեղեցիկ գույներով պատկեր կստեղծեն Ադրբեջանի վերաբերյալ: Ինչի՞ մասին է սա: Նրանք Հայաստանին են մեղադրում եմ, որ միջազգային կառույցները մարդու իրավունքների հարցով քննադատում են իրենց»:
Կարդացեք նաև
Մեր հարցին, թե նմանատիպ հայտարարությունները կարո՞ղ են ազդել բանակցային գործընթացի վրա, ԱԳ նախարարը պատասխանեց. «Ադրբեջանն անադեկվատ մոտեցումներ ունի եւ դրանք կան նաեւ բանակցային գործընթացում: Այդ անադեկվատ վիճակն ազդում է նաեւ բանակցային գործընթացի վրա»:
Աշոտ ԻՍՐԱԵԼՅԱՆ