ՀՀ ընտրական օրենսգրքի նախագիծը, որը վերջերս է ներկայացվել հանրության դատին, ակտիվորեն քննարկվում է: Նախագծի որոշ դրույթների վերաբերյալ «168 ժամ»-ը զրուցել է Հայաստանի Հելսինկյան կոմիտեի նախագահ Ավետիք Իշխանյանի հետ:
– Ստորագրված ցուցակների հրապարակումը Հայաստանի պայմաններում ի՞նչ կարող է դա տալ։ Նախագծի հեղինակները վկայակոչում են ՍԴ որոշումը, Վենետիկի հանձնաժողովի մեկնաբանությունը, որ որոշակի դեպքերում քվեարկությանը չմասնակցելը խոսում է մարդու քաղաքական ընտրության մասին՝ բացահայտելով նրա քաղաքական ընտրությունը։
– Ինձ համար տարբեր օրինակներ բերելը որևէ քննություն չի բռնում, որովհետև մի դեպքում՝ նրանք պարտավորում են անել ԵԱՀԿ/ԺՄԻԳ-ի առաջարկությունները, մյուս դեպքում ընտրողաբար են դա անում կամ չեն անում։ Երբ ձեռնտու է, հղում են այս կամ այն միջազգային կազմակերպությանը կամ Սահմանադրական դատարանի որոշման վրա։
Եթե չեմ սխալվում, ՍԴ-ի որոշումը հետևյալն է՝ չհրապարակելը չի հակասում Սահմանադրությանը, ոչ թե՝ հրապարակելը հակասում է Սահմանադրությանը։ Սա շատ լուրջ դեմքով իրենց ձեռնտու թեզերին հղումներ անելն է։
Կարդացեք նաև
Իրականում ցուցակների չհրապարակումը որևէ մի քննություն չի բռնում, որովհետև, ըստ էության, դա նշանակում է՝ ընտրության գնալու գաղտնիություն։
Այդ դեպքում ես մի քանի առաջարկություն եմ արել, որ բոլոր ընտրողներին հիշեցման թղթերի հետ միասին դիմակներ տան, որ ընտրողը դիմակով գնա, և չիմանան ընտրության գնացե՞լ է, թե՞ ոչ, որովհետև երբ մարդիկ բոլորի աչքի առաջ գնում են ընտրության և այլն, ի՞նչ գաղտնիության մասին է խոսքը։
Սա բացարձակապես քննություն չի բռնում, պարզապես ցուցակների հրապարակումը լրացուցիչ լծակ է ընդդիմության և քաղաքացիական հասարակության ձեռքին՝ ապացուցելու ընտրակեղծիքները:
Օֆելյա ՀՈՎՀԱՆՆԻՍՅԱՆ
Հարցազրույցն ամբողջությամբ կարող եք կարդալ «168 ժամ» թերթի այսօրվա համարում
