Էստոնիայի նախագահ Թոմաս Հենդրիկ Իլվեսը օրերս Ֆինլանդիայում ներկայացրել է իր բարեգործական Teenage Wasteland – 16 Early Fave Raves Of The President ալբոմը եւ հանդես եկել որպես DJ: Հարմարավետության նկատառումներով ալբոմի շնորհանդեսը տեղափոխվել էր ընդարձակ ակումբներից մեկը՝ Kaiku, որտեղ նախագահը կոչ է արել՝ «Խնդրում եմ, պարեք, ինչպես էստոնացիներ»:
Համերգի ավարտին Իլվեսը նաեւ ինքնագիր է բաժանել, որի համար մեծ հերթ է գոյացել: Չնայած անձրեւոտ եղանակին, միջոցառման մասնակիցների թիվը շատ մեծ է եղել, նախագահն էլ ներկայացրել է իր սիրելի ռոք հիթերը՝ այդ թվում՝ Դեւիդ Բոուի, The Beach Boys-ի, The Who, Ramones-ի, New York Dolls-ի: Նախագահի հետ հանդես է եկել նաեւ ֆինն անվանի երաժիշտ Սամի Յաֆֆան: Տեղական ԶԼՄ-ների փոխանցմամբ, համերգի ողջ հասույթը կուղղվի հիվանդ երեխաների հիմնադրամին:
«Առավոտ» օրաթերթ
05.05.2016
