Լոլիկը օժտված է բարձր համային հատկություններով, հարուստ է վիտամիններով` A, B, C, PP, oրգանական թթուներով եւ հանքային աղերով` Ca, Na, Mg, Fe եւ այլն:
Լոլիկի օգտակար հատկանիշները եւ թարմությունը տան պայմաններում պահպանելու համար պետք է ուշադրություն դարձնել պահպանման կանոններին:
Լոլիկի համն ու բույրը պահպանելու համար նախընտրելի է այն պահել բացօթյա, կողովի մեջ: Սառնարանը փոխում է լոլիկի համն ու բույրը: Պետք է նաեւ արեւի ճառագայթներից հեռու պահել, իսկ լվանալ միայն օգտագործելուց առաջ:
Որպեսզի աղիքներն ավելի լավ ներծծեն լիկոպեն կոչված օգտակար նյութը, նախընտրելի է թարմ լոլիկի շերտերի վրա մի քիչ ձիթայուղ լցնել:
Թարմ լոլիկի շերտերը զովացնում եւ հանգստացնում են այրված ու վնասված մաշկը:
Լոլիկները հեշտությամբ կեղեւազրկելու համար նախ խաչաձեւ ճեղքել դանակով, ապա մի քանի րոպե ընկղմել տաք, ապա սառը ջրի մեջ եւ նոր մաքրել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» 31.06.2016
