Բժշկությանը տարիներ ի վեր հայտնի է, որ քաղցկեղը միայն ժառանգաբար փոխանցվող հիվանդություն չէ, այլ նաեւ կախված է արտաքին միջավայրից՝ սթրեսներից կամ ոչ օգտակար սնունդ ընդունելուց: Մասնագետները ներկայացնում են մթերքների որոշակի տեսականի, որոնց պարբերաբար օգտագործումը կանխում է տարբեր տեսակի քաղցկեղի առաջացումը: Օրինակ` նարինջ, կիտրոն, թուրինջ սպառող մարդիկ շատ ավելի պաշտպանված են քաղցկեղից, հատկապես ստամոքսի, քանի որ C վիտամինը եւ այլ նյութեր պաշտպանական դեր են կատարում օրգանիզմում:
Ցորեն. այն կանայք, որոնք հետեւողական կերպով ցորեն եւ նրա բնաթելերից կազմված սնունդ են օգտագործում, նրանց մոտ կրծքագեղձի քաղցկեղի հավանականությունը փոքր է:
Հազարը եւ դրա բոլոր տեսակները, ինչպես նաեւ աղցանները, ստամոքսը կպաշտպանեն քաղցկեղից:
Լոլիկ. առատ լոլիկ օգտագործողներն ավելի լավ պաշտպանված են շագանակագեղձի քաղցկեղից:
Սպանախ. հետեւողական կերպով սպանախ օգտագործողները պաշտպանված են մաշկի, ստամոքսի եւ թոքի քաղցկեղից:
Դդում. նկատելի է, որ քաղցկեղ չունեցող մարդկանց կարեւոր տոկոսը առատ դդում են օգտագործում: Դդումը միզամուղ հատկություն ունեցող բույս է: Այն պարունակում է կալիումային աղեր, կալցիում, մագնիում, երկաթ, շաքար, վիտամիններ` C, B, B1, B2, B5, B6, E, T, PP, K, ինչպես նաեւ` կարոտին, սպիտակուցներ, բջջանյութ, եւ այլն:
Կարոտինը E վիտամինի հետ ոչ միայն կանխում է բջիջների ծերացումը, այլեւ հնարավոր քաղցկեղը, նպաստում է աչքի լորձաթաղանթի աշխատանքին, կանխում մրսածությունը, ամրացնում դիմադրողականությունը` պաշտպանելով տարբեր վիրուսներից եւ մանրէներից:
Կաղամբ. կաղամբի բոլոր տեսակները մեզ պաշտպանում են թոքի, հաստ աղիքի, կրծքագեղձի, ձվարանների եւ շագանակագեղձի քաղցկեղից:
Մածուն. մածունի պարբերաբար օգտագործումը մեր մարսողական համակարգը պաշտպանում է քաղցկեղից:
Սխտոր. չինական ուսումնասիրություններից մեկը հաստատում է, որ սխտորի սպառումը մեր ստամոքսը պաշտպանում է քաղցկեղից: Սխտորի մեջ պարունակվող դիալլիլսուլֆիդ նյութն իջեցնում է քաղցկեղածին հարուցիչների ակտիվությունը:
Գազարի կանոնավոր սպառումը պաշտպանում է հաստ աղիքի, շագանակագեղձի, շնչափողի, թոքերի՝ նույնիսկ ծխողների մոտ, քաղցկեղից:
Թեյ. մարսողական եւ միզուղիների համակարգը քաղցկեղից կպաշտպանվեն, եթե օրական երկու գավաթ որեւէ տեսակի թեյ խմեք:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
31.05.2016
