«Ի՞նչ կապ ունի, եթե անձը քաղաքական է, չի՞ կարող խուլիգանություն լինել: Ես այդպես եմ մտածում»,- խորհրդարանում լրագրողների հետ զրույցում ասաց ԱԺ նախագահ Գալուստ Սահակյանն`անդրադառնալով ԼՂՀ ԱԺ պատգամավոր Հայկ Խանումյանին ծեծի ենթարկելու փաստին:
Լրագրողները հետաքրքրվեցին նաեւ ԼՂՀ պաշտպանությա նախկին նախարար Սամվել Բաբայանի վերադարձից: Նաեւ այսպիսի հարց հնչեց` ինչո՞ւ ՀՀ կամ ԼՂՀ իշխանությունները չընդունեցին Սամվել Բաբայանին: «Նախ, ես չգիտեմ` ինքը դիմե՞լ է ու չե՞ն ընդունել: Սամվել Բաբայանը պատերազմի ժամանակ լուրջ կռվող է եղել, դրանից հետո հանցագործություն է կատարել, հետո տարբեր երկրներում, աշխարհում ման է եկել, հիմա եկել է, գործ է ուզում. ի՞նչ` պիտի գործ ճարե՞ն, տան»,- տարակուսանք հայնեց Գալուստ Սահակյանը:
ԱԺ նախագահն, ի դեպ, մամուլն է կարդացել ու տպավորություն է ստացել, որ Սամվել Բաբայանը գործ է ուզում: Ինքն անձամբ չի հանդիպել Սամվել Բաբայանի հետ: Չի էլ հանդիպելու: «Եթե Սամվել Բաբայանը ցանկանում է օգնել ժողովրդին, թող այդպես էլ վարվի: Իշխանությունները դեռ չգիտեն, թե ի՞նչ ներուժ ունի Սամվել Բաբայանը»,-ասում է ԱԺ նախագահը:
ԱԺ նախագահը «կողքի» խոսակցություն է համարում մամուլի այն հրապարակումները, որ Սերժ Սարգսյանը մարել է Սամվել Բաբայանի պարտքերը. «Դրանք դժվար թե իրականությանը համապատասխանեն»:
Գալուստը քանի գնում՝ հաբռգում է: