Երեկ` 2016 թ. հունիսի 20-ին, Սերժ Սարգսյանի պատվերով «կարված» հերթական շինծու մեղադրանքով ձերբակալվել է Ժիրայր Սէֆիլյանը: Այս անգամ ևս Սերժ Սարգսյանն ստիպված ընտրել է քաղաքական ֆարսի տարբերակը` իր գլխավոր հակառակորդին վերագրելով զինված հեղաշրջման փորձ կատարելու մեղադրանք:
Պալատական մանր խարդավանքների վարպետ, սակայն մեծ քաղաքականության մեջ հայտնի ձախողակ Սերժ Սարգսյանի այս հաշվարկը նրա դեմ է աշխատում, քանի որ թշնամուն զենքով հաղթած Ժիրայր Սէֆիլյան հերոսին ժողովրդի աչքին դարձնում է նաև հայրենադավ ատելի ռեժիմից զենքով ազատագրող հերոս:
Ժիրայր Սէֆիլյանին ձերբակալելու իրական նպատակն ակնհայտ է: Նա էր, որ համարձակվեց բացել ապրիլյան քառօրյայի դավադրության վարագույրը` բացահայտելով ոչ միայն հայկական կողմի կրած տարածքային կորուստները, որոնք ռեժիմը ամեն գնով թաքցնում էր, այլև Սերժ Սարգսյանի կողմից իր իշխանությունը պահպանելու համար Հայաստանի` որպես Արցախի տարածքային ամբողջականության և նրա բնակչության անվտանգության երաշխավորի դերից հրաժարվելու և, դրանով իսկ` ալիևյան վարչախմբի խարխլված դիրքերը ամրապնդելուն նպաստելու դավաճանական գործելաոճը:
Ի տարբերություն ալիևյան վարչախմբի, որն Արցախյան հարցի կարգավորման բանակցություններին զուգահեռաբար ոչ միայն ազատ արձակեց քաղբանտարկյալներին և մեծ համաներում համաներում հայտարարեց, այլև զորավարժությունների տեսքով ուժի ցուցադրություն է անում Արցախի սահմանին և Նախիջևանում, Սերժ Սարգսյանը ձերբակալում է հանուն Հայրենիքի ազատության ու ամբողջականության դիմադրական շարժում նախաձեռնած Ժիրայր Սէֆիլյանին՝ փաստացի հաստատելով սողացող պատերազմում Հայաստանին դեպի պարտություն առաջնորդելու իր պարտվողական և դավաճանական կեցվածքը:
Կարդացեք նաև
Ժիրայր Սէֆիլյանի ազատազրկումը հայկական պետականության և մեր ժողովրդի ֆիզիկական անվտանգության դեմ ուղղված գոյութենական մարտահրավերի ազդանշան է, ուստի նոր լիցք է տալիս ազգային դիմադրությանը:
Մենք հայտարարում ենք, որ ընդունում ենք մեր պետականության և անվտանգության դեմ ուղղված այս նոր մարտահրավերը:
Նախատեսված կարգով շարունակվելու են դիմադրության շարժման բոլոր նախաձեռնությունները, այդ թվում` Ժիրայր Սէֆիլյանին լիազորված` Ազգային դիմադրության կոմիտեի ձևավորման, ինչպես նաև Արցախի տարածքային ամբողջականության վերականգնման նպատակով սկսված կամավորագրման գործընթացները:
Իսկ դիմադրության շարժման ջահակիր Ժիրայր Սէֆիլյանի ազատումը դառնում է պայքարի հիմնական ուղղություններից մեկը և վերածվում համազգային առաջադրանքի:
«Նոր Հայաստան» հանրային փրկության ճակատի քաղաքական խորհուրդ
Ներքին թշնամին չդիմացավ` բացահայտեց իրեն: բա ասում էիք հիմա ժամանակը չի ընդդիմադիր նախաձեռնությունների: Իսկ ժամանա՞կն է ձերբակալել թշնամուն զենքով հաղթած Ժիրայր Սէֆիլյան հերոսին: Սա հերթական հայրենադավ հարվածն է Հայաստանին և մեր ժողովրդին: