Քիչ առաջ Ազատության հրապարակից մեկնարկել է «Ի պաշտպանություն Ժիրայր Սեֆիլյանի» քաղաքացիական նախաձեռնության բողոքի երթը, որի մասնակիցները պահանջում են ազատ արձակել Շուշիի առանձնակի գումարտակի հրամանատար, «Նոր Հայաստան» փրկության ճակատի առաջնորդ Ժիրայր Սեֆիլյանին, ինչպես նաեւ մյուս քաղբանտարկյալներին՝ Գեւորգ Սաֆարյանին, Շանթ Հարությունյանին եւ այլոց:
Ցուցարարները բարձրաձայնում են, որ քաղբանտարկյալները, մասնավորապես՝ Ժիրայր Սեֆիլյանը, առաջինն է բարձրաձայնել ապրիլյան պատերազմում հայկական կողմի տարածքային կորուստների մասին, այդ պատճառով իշխանությունների հրամանով նա կալանավորվել է, որպեսզի չիրականացնի կորցրած տարածքներն ազատագրելու նախաձեռնությունը:
Ազատության հրապարակում ցուցարարներին մոտեցավ Վալերի Օսիպյանը, տեղեկացնելով, որ ակցիան արտոնված չէ, սակայն ոստիկանությունը կաջակցի եւ կուղեկցի ցուցարարներին, հորդորով, որ վերջիններս քայլեն Բաղրամյան պողոտայի ձախ մայթեզրով եւ չօգտագործեն վիրավորական արտահայտություններ: Ցուցարարները խոստացան ընդառաջ գնալ ոստիկանության խնդրանքին: Այժմ նրանք շարժվում են դեպի նախագահական նստավայր:
Կարդացեք նաև
Լուիզա ՍՈՒՔԻԱՍՅԱՆ