Այսօր կառավարության նիստից առաջ վարչապետ Կարեն Կարապետյանն ասաց., որ քրեակատարողական համակարգի ներկայիս վիճակը բավական հարցեր է առաջացնում: Նա նաեւ ասաց, արդարադատության նախարարի պարբերաբար տրամադրող տեղեկատվությունից պարզ է դառնում, որ խնդիրներ կան կալանավորվածների, դատապարտյալների սննդի ապահովման գործընթացում: Վարչապետի խոսքերով՝ «Շարունակական են կոռուպցիոն ռիսկերը հանձնուքների տրամադրման հարցում, ինչպես նաեւ դատապարտյալների համաչափ տեղաբաշխումը: Այս խնդիրները պահանջում են համակարգային եւ հստակ լուծումներ»:
Կարեն Կարապետյանն արդարադատության նախարար Արփինե Հովհաննիսյանին հանձնարարեց ուսումնասիրել քրեակատարողական համակարգին վերապահված որոշ գործառույթներ՝ կալանավորվածներին եւ դատապարտյալներին տրամադրվող սննդի ապահովումը, մասնավոր կազմակերպություններին պատվիրակելու հնարավորությունը:
Վարչապետը հանձնարարեց մշակել հանձնուքների տրամադրման գործընթացում կոռուպցիոն ռիսկերը նվազագույնին հասցնելու նոր գործիքակազմեր:
Բացի այս, նշված ուղղությամբ վարչապետը հանձնարարեց՝ «Ապահովել քրեակատարողական հիմնարկներում դատապարտյալների համաչափ տեղաբաշխելու համար քրեակատարողական ծառայության բոլոր ռեսուրսների օգտագործումը՝ ուղղված թե նորաբաց «Արմավիր» քրեակատարողական հիմնարկի ամբողջական շահագործմանը, թե քրեակատարողական ծառայողների ներկայիս քանակակազմի համապատասխան բաշխմանը քրեակատարողական հիմնարկներում»:
Կարդացեք նաև
Նելլի ԲԱԲԱՅԱՆ
