Ինչպես ավելի վաղ հայտնել էինք, ըստ «ԵԼՔ» դաշինքի նախընտրական ծրագրի՝ պետք է սկսվեն բանակցություններ՝ ՀՀ-ով դեպի Վրաստան իրանական գազի տարանցման պայմանագիր կնքելու ուղղությամբ: Այս առնչությամբ դաշինքի պատգամավորի թեկնածու Տիգրան Ավինյանն Aravot.am-ի հետ զրույցում մանրամասնեց. «Այդպես կդառնանք տարանցիկ գոտի՝ գազակիրների համար՝ ստանալով համապատասխան վճար: Դա կնշանակի նաեւ կախվածության որոշակի նվազում՝ ռուսական էներգակիրներից»:
«ԵԼՔ»-ի ծրագրում նաեւ նշվում է, որ պետք է փուլային տարբերակով կառուցվի հայ-իրանական երկաթուղին: Ըստ Ավինյանի՝ վարկային եւ ներդրումային միջոցներով կարելի է այդ ծրագիրն իրականացնել: «Չինաստանից սկսած՝ ապրանքները կարող են մեր տարածքով հասնել մինչեւ Եվրոպա: Ամեն ինչ բանակցություններից է կախված, քաղաքական ռիսկեր կան»,-նշեց Տիգրան Ավինյանը:
Հետաքրքրվեցինք՝ տարածաշրջանում Ռուսաստանի շահերը չե՞ն խոչընդոտի այդ երկու ծրագրերի կատարմանը: Տիգրան Ավինյանը պատասխանեց, որ պետք է առաջնորդվել ՀՀ-ի շահերով:
Մանրամասն ՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
