2020 թ լրանում է ճանաչված հայ նկարչուհի Արմինե Կալենցի ծննդյան 100-ամյակը: Ինչպես Aravot.am-ին փոխանցեց «Կալենց» մշակութային հիմնադրամի գործադիր տնօրեն Լարիսա Կատասանովան, այդ առիթով մտադիր են նոր նախագծեր իրականացնել:
«Արմինե Կալենցը հետաքրքիր արվեստագետ էր եւ շատ կարեւոր դերակատարություն է ունեցել որպես կին արվեստագետ` հայ արվեստի դաշտում: Մինչեւ իր կյանքի վերջին օրը նա մշտապես կապի մեջ էր երիտասարդության հետ: 2004 թ., երբ Գեղարվեստի ակադեմիայի «Ալբերտ և Թովե Բոյաջյան» սրահում բացվեց իր վերջին ցուցահանդեսը, ինքը համարյա չէր տեսնում: Այդ օրն Արմինե Կալենցն ասաց, որ այդ ցուցահանդեսը նվիրում է երիտասարդությանը, որպեսզի նրանք միշտ համարձակ լինեն, չընկրկեն, չվախենան առաջ գնալուց»,- ասաց տիկին Կատասանովան:
Արմինե և Հարություն Կալենցների ամուսնության օրը. Բեյրութ.1943թ.
Հիշեցնենք, որ Արմինե Կալենցը մեծանուն նկարիչ Հարություն Կալենցի տիկինն է:
Արմինե Կալենց. «Ինքնադիմանկար». 1938թ․
Գոհար ՀԱԿՈԲՅԱՆ
Լուսանկարները` galentz.am կայքից
