Ազգային ժողովի խորհուրդը հունիսի 12-ին, ժամը 16։00-ին նիստ է գումարելու, քննարկվելու են մի շարք հարցեր, օրինակ՝ ԱԺ մշտական հանձնաժողովների օրինակելի աշխատակարգը, հերթական նիստերի ժամկետացանկը։ Կհաստատվեն նաեւ ԱԺ աշխատակազմի կառուցվածքը եւ կանոնադրությունը, կքննարկվեն կազմակերպչական հարցեր։ Ամենահետաքրքիրն ԱԺ աշխատակազմի կառուցվածքն է, որը որոշել են շեշտակի կրճատել։ Մի շարք բաժիններ կմիավորվեն, կանվանափոխվեն, ինչպես, օրինակ՝ ընդհանուր, արձանագրային, սղագրական եւ նիստերի ապահովման, ԱԺ պաշտոնական ինտերնետային կայքի սպասարկման, հրատարակչության բաժինները կմիավորվեն քարտուղարության բաժնում, երկուական բաժիններ կմիավորվեն իրավաբանական եւ տնտեսագիտական վարչություններում։
Կլինի արտաքին կապերի վարչություն, որում կմիավորվեն միջխորհրդարանական կապերի եւ եվրաինտեգրման, միջազգային կազմակերպությունների բաժինները, կլինի արարողակարգի վարչություն՝ անձնագրային սպասարկման, այցերի եւ ընդունելությունների բաժիններն ընդգրկող, տեղեկատվական եւ վերլուծական վարչությունում կմիավորվեն տեղեկատվության եւ վերլուծության ապահովման բաժինները, գրադարանը, արխիվը, իսկ տեղեկատվության բաժինը, տեղեկատվության միջոցների հետ կապերի բաժինը կդառնան հանրային կապերի վարչությու վարչություն։
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
