Ռուսաստանում այսօր՝ սեպտեմբերի 18-ին, մեկնարկել են Պետական դումայի նոր կազմի ընտրությունները։ Քվեարկությունը կշարունակվի երեք օր՝ մինչև սեպտեմբերի 20-ը։
Ընտրությունների արդյունքում պետք է ընտրվի 450 պատգամավոր։ Նրանցից 225-ը կընտրվեն միամանդատ ընտրատարածքներով, իսկ մյուս 225-ը՝ կուսակցական ցուցակներով։ Ընտրություններին մասնակցում է 10 կուսակցություն։
Քվեարկությունն անցկացվում է Ռուսաստանի տարբեր շրջաններում, այդ թվում՝ էլեկտրոնային եղանակով։ Ընտրություններն անցկացվում են Ուկրաինայի դեմ Ռուսաստանի 2022թ. սկսած եւ արդեն չորս տարի շարունակվող պատերազմի պայմաններում։
Ռուսաստանի Կենտրոնական ընտրական հանձնաժողովը հայտարարել է, որ ընտրատեղամասերը բացվել են սահմանված կարգով։ Նախնական արդյունքները սպասվում են սեպտեմբերի 20-ին՝ քվեարկության ավարտից հետո։
