«Նման հարց մեր օրակարգում այսօր Հայաստանում գոյություն չունի»,- Aravot.am-ի հետ զրույցում ասաց ՀՅԴ խմբակցության քարտուղար Աղվան Վարդանյանը: Խոսքը Հայաստանի հիմնը փոխելու մասին է:
Հիշեցնենք, որ աշխարհահռչակ շանսոնյե Շառլ Ազնավուրը Le Club de Richard Findykian ռադիոշոուին հյուրընկալվելիս ասել էր, որ Հայաստանի նոր օրհներգ կարող է դառնալ իր «Քե՛զ համար, Հայաստա՛ն» երգը: «’Pour toi Arménie’-ն կարող է դառնալ նոր հիմն, ահա թե ինչ եմ ես ուզում,- ասել է նա:- Նախագահ Սերժ Սարգսյանը, և ոչ միայն նա, համաձայն են ինձ հետ»:
Քննարկումներում հնչում են նաեւ Արամ Խաչատրյանի գրած օրհներգի, Տիգրան Մանսուրյանի՝ «Ես իմ անուշ Հայաստանի» տարբերակները:
Աղվան Վարդանյանը չի ցանկանում քննարկել ի հարց, որն իր համոզմամբ՝ չկա Հայաստանի օրակարգում:
Հարցին`եթե այս քննարկումները «միս ու արյուն» ստանան, ի՞նչ դիրքորոշում կորդեգրի ՀՅԴ-ն, մեր զրուցակիցն ասաց, որ «եթե»-ներով հարցերին չի պատասխանում:
Նելլի ԳՐԻԳՈՐՅԱՆ
