Հայաստանի ու Ադրբեջանի հարցերով ԵԽԽՎ համազեկուցողները մտահոգություն են հայտնել հայ-ադրբեջանական շփման գծում՝ Ֆիզուլիի շրջանում լարվածության աճի կապակցությամբ՝ ափսոսանք հայտնելով, որ դա հանգեցրել է զոհերի, այդ թվում քաղաքացիների շրջանում:
Մասնավորապես, Հայաստանի հարցով համազեկուցողներ Ալան Միլը (Մեծ Բրիտանիա) և Ջուզեպե Գալատին (Իտալիա) և Ադրբեջանի հարցով համազեկուցողներ Ստեֆան Շեննախը (Շվեդիա) և Ցեզար Պրեդան (Ռումինիա) կոչ են արել կողմերին հարգել հրադադարի ռեժիմը և վերադառնալ բանակցային սեղանի շուրջ՝ ԵԱՀԿ Մինսկի խմբի հովանու ներքո:
Նրանք ընդգծել են, որ հակամարտությունը ռազմական լուծում չունի և հիշեցրել են Հայաստանին ու Ադրբեջանին իրենց հանձնառությունների մասին՝ տարաձայնությունները կարգավորել խաղաղ ճանապարհով:
Պատրաստեց՝ Վիկտորյա ԱՆԴՐԵԱՍՅԱՆԸ