Կառավարության այսօրվա նիստում Նիկոլ Փաշինյանն ոստիկանապետին ու արդարադատության նախարարին հանձնարարեց ուսումնասիրել ու առաջարկներ ներկայացնել արագաչափերի և տեսախցիկների գործունեությունը ժամանակավորապես դադարեցնելու մասին:
«Կարծում եմ, որ հսկայական տույժ- տուգանքներ կան կուտակված, և մարդիկ չեն կարողացել վճարել դրանք` հնարավորություն չունենալու պատճառով»,-ասաց նա։
Վարչապետը գտնում է, որ նպատակահարմար կլինի ինչ-որ ժամանակաշրջանում դրանց գործունեությունը դադարեցնել, կասեցնել կամ առնվազն պետք է պրակտիկան դադարեցնել, երբ հոծ գծեր հատելու համար մարդկանց տուգանում են:
«Պետք է մեխանիզմներ մտածենք՝ պարտքը ներելու մասին և քննարկենք արագաչափերի և տեսախցիկների գործունեության հետագա արդյունավետության հարցը»,- ասաց Նիկոլ Փաշինյանը:
Նելլի ԲԱԲԱՅԱՆ
