Նախիջևանի Ինքնավար Հանրապետության և Հայաստանի միջև սահմանին մշտադիտարկում անցկացնելու հարցը այս պահին ԵԱՀԿ-ում չի քննարկվել: Այս մասին ադրբեջանական Trend գործակալությանը հայտնել են Ռուսաստանի ԱԳՆ-ից՝ պատասխանելով այն հարցին, թե այդ խնդրի վերաբերյալ ինչ դիրքորոշում ունի Ռուսաստանը՝ որպես ԵԱՀԿ Մինսկի խմբի համանախագահող երկիր:
«Այս պահին ԵԱՀԿ հարթակներում այդ հարցը չի քննարկվել»,- ասել են Ռուսաստանի ԱԳՆ-ից:
Ավելի վաղ Հայաստանի ԱԳՆ խոսնակ Տիգրան Բալայանը հայտարարել էր, որ Հայաստանը դիմել է ԵԱՀԿ գործող նախագահի անձնական ներկայացուցիչ Անջեյ Կասպրշիկի գրասենյակ՝ հայ-ադրբեջանական սահմանի նախիջևանյան հատվածում մշտադիտարկում կազմակերպելու առաջարկով։
Պատրաստեց Վիկտորյա ԱՆԴՐԵԱՍՅԱՆԸ
