Այսօր ժամը 19․30 սահմաններում Գյումրու Տեքստիլագործների թաղամասում՝ մարզպետարանի հարևանությամբ գտնվող «Կիլիկիա բիստրոյի» շենքում բնակվող մի երիտասարդ, կախվելով պատշգամբից, ինքնասպանության փորձ է կատարել։
Շիրակ մարզպետ Կարեն Սարուխանյանն էլ, որը շրջայց է կատարել գյուղեր և վերադառնալիս է եղել աշխատավայր՝ տեսնելով իր կյանքին վերջ դնելու ցանկություն ունեցող տղամարդուն, անմիջապես բարձրացրել է վերև, զրուցել ու համոզել է նրան փոխելու մտադրությունը։ Ի պատիվ մարզպետի՝ նրան հաջողվել է կանխել երիտասարդի ինքնասպանության փորձը։
«Քաղաքացին ուզում էր ինքնասպանություն գործել, մարզպետը փրկեց» մեկնաբանությամբ դեպքի վայրից ուղիղ եթեր է մտել Շիրակի փոխմարզպետ Վարդան Գրիգորյանը։
Իհարկե, տվյալ դեպքում ուղիղ եթեր մտնելն էթիկապես այնքան էլ ընդունելի չէ, կան երկրներ, օրինակ՝ Գերմանիայի Դաշնային Հանրապետությունը, որտեղ լրագրողներին անգամ արգելվում է ինքնասպանության դեպքերը լուսաբանել, այդուհանդերձ ուրախալի է լսել, որ երիտասարդը մարզպետի հորդորով վերջ չդրեց իր կյանքին։
Շիրակի մարզի դատախազ Կարեն Գաբրիելյանը տեղեկացրեց, որ դեպքի առթիվ նյութեր են նախապատրաստվում։
Նունե ԱՐԵՎՇԱՏՅԱՆ
Դե էթիկան ու մաչզպետի թիմը անհամատեղելի են։սպես գնաց մեռել տնեևից էլ էս գյորմամիշբերը ուղիղ եթեր կմտնին՝մենակ թե ռեկլան էնեն իրանց։