Եվրոպայի խորհրդի նախարարների կոմիտեն հրապարակել է իր նոր որոշումները՝ կապված Հայաստանի կողմից Եվրոպական դատարանի վճիռների կատարողականության վերաբերյալ:
Մասնավորապես, նշվում է, որ այդ գործերի մեծ մասը վերաբերում են ազատազրկման մեջ պահվող անձանց պատշաճ բուժօգնություն չտրամադրելու հետ:
Կոմիտեն ի գիտության է ընդունել կալանավայրերում առողջապահության համակարգի ընթացիկ բարեփոխումները, որոնք կատարվում են ի պատասխան ՄԻԵԴ-ի հայտնաբերած թերացումների և հաշվի առնելով միջազգային և ազգային համապատասխան մոնիթորինգային խմբերի հանձնարարականները:
Կոմիտեն իշխանություններին խրախուսել է ապահովել, որպեսզի Քրեակատարողական բժշկական կենտրոնը կարողանա արագ գործել և առաջարկել է լրացուցիչ տեղեկություն տրամադրել դրա հիմնադրման ժամկետների և այն մասին, թե ինչ միջոցներ են ձեռնարկվել՝ ապահովելու դրա պատշաճ գործունեությունը և անձնակազմի կարիքները, ինչ միջոցներ են ձեռնարկվել այն անհրաժեշտ սարքավորումներով և ռեսուրսներով ապահովելու համար:
Կոմիտեն նաև գոհունակություն է հայտնել 2018թ. գործող Քրեական դատավարության օրենսգրքում ներկայացված փոփոխությունների առնչությամբ:
Պատրաստեց՝ Վիկտորյա ԱՆԴՐԵԱՍՅԱՆԸ
