Երջանկության համաշխարհային զեկույցում Հայաստանը 13 հորիզոնականով բարելավել է դիրքերը՝ 4.559 միավորով զբաղեցնելով 116-րդ հորիզոնականը: Նախորդ տարվա զեկույցում Հայաստանը զբաղեցնում էր 129-րդ տեղը:
Այնուամենայնիվ, տարածաշրջանում Հայաստանը շարունակում է մնալ հետին դիրքերում: Տարածաշրջանի երկրներից ամենաերջանիկը Թուրքիան է (79-րդ հորիզոնական), Ադրբեջանը 90-րդ տեղում է, Իրանը՝ 117-րդ, իսկ Վրաստանը՝ 119-րդ:
Վարկանիշային աղյուսակում առաջին տեղը զբաղեցրել է Ֆինլանդիան, նրան հաջորդում են Դանիան, Նորվեգիան, Իսլանդիան, Նիդերլանդները, Շվեյցարիան, Շվեդիան, Նոր Զելանդիան, Կանադան և Ավստրիան:
Երջանիկ երկրների ցուցակում վերջին տեղը զբաղեցրել է Հարավային Սուդանը:
Երջանկության համաշխարհային զեկույցը կազմվում է 2012թ-ից ՄԱԿ-ի պատվերով: Հետազոտության մեջ դիտարկվում է 156 երկիր այնպիսի ցուցիչներով, ինչպիսիք են ակնկալվող կյանքի տևողությունը, սոցիալական աջակցությունը, կոռուպցիան և այլն:
Պատրաստեց՝ Վիկտորյա ԱՆԴՐԵԱՍՅԱՆԸ
