«Մանվել Գրիգորյանը հիմա հրաժարվում է բուժօգնությունից եւ դեղամիջոցների ընդունումից: Սա վատ է անդրադառնում առողջական վիճակի վրա: Իմ ներկայացուցիչները երեկ երեկոյան են այցելել նրա»,-լրագրողների հետ զրույցում այսօր տեղեկացրեց ՀՀ Մարդու իրավունքների պաշտպան Արման Թաթոյանը: Նա նշեց, որ Մանվել Գրիգորյանի վիճակի առնչությամբ գրություն է ուղարկել Արդարադատության նախարար Արտակ Զեյնալյանին. «Հարցեր եմ առաջադրել՝ արդյոք ՔԿՀ-ի պայմաններում կա՞ հնարավորություն՝ անհրաժեշտ բուժօգնություն տրամադրելու համար: Եթե այդպիսիք չկան, առաջարկել եմ քննարկել պատշաճ բուժօգնության տրամադրման հարցը»:
Լուիզա ՍՈՒՔԻԱՍՅԱՆ
