Ռուսաստանի նախագահ Վլադիմիր Պուտինը ստորագրել է օրենք, որով կառավարությունը արտակարգ դրություն հայտարարելու լիազորություն է ստանում: Մասնավորապես, կառավարությունը կկարողանա կոորդինացնել կանխարգելման և արձագանքման միասնական համակարգի աշխատանքն արտակարգ դրության ժամանակ:
Բացի այդ ՌԴ նախագահը հայտարարել է, որ երկրում բարդանում է իրավիճակը` պայմանավորված կորոնավիրուսի տարածմամբ: «Մեր երկրում իրավիճակը բարդանում է, աշխարհում ևս շատ բարդ իրավիճակ է ստեղծվել կորոնավիրուսի պատճառով»,-ասել է Պուտինը կառավարության անդամների հետ տեսաժողովի ժամանակ:
Նրա խոսքով` Ռուսաստանում կարանտինի մեջ է գտնվում 3.3 միլիոն մարդ:, ինքնամեկուսացված է 292 հազար 740-ը:
Նշենք նաև, որ Պուտինը ստորագրել է կարանտինը խախտելու և համավարակի վերաբերյալ կեղծ տեղեկատվություն հրապարակելու, տարածելու համար քրեական պատասխանատվության օրինագիծը: Օրենքը խախտողներին սպառնում է տուգանք՝ 500 հազարից մինչև 1 միլիոն ռուբլու չափով կամ մինչև 5 տարի ազատազրկում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
