«Ռոման» ֆուտբոլի Իտալիայի «A» սերիայի 28-րդ տուրում արտագնա խաղում 0:2 հաշվով պարտվեց «Միլանին»: Այդ խաղում հյուրերի եւ Հայաստանի ազգային հավաքականի կիսապաշտպան Հենրիխ Մխիթարյանը դաշտ է մտել մեկնարկային կազմում եւ փոխարինվել 69-րդ րոպեին, երբ լուսատախտակի վրա դեռ զրոյական հաշիվ էր:
Հայկական ֆուտբոլի առաջատարի մարզական կարիերայով հետաքրքրվողների համար Tempo հանդեսը հրապարակել է տեղեկություն, ըստ որի Մխիթարյանը հռոմեական ակումբում կմնա մինչեւ օգոստոս ամիս եւ կմասնակցի նաեւ եվրոպական գավաթների հանդիպումներին:
Աշոտ ՀԱԿՈԲՅԱՆ
