Քաջարանի քաղաքապետ Մանվել Փարամազյանին մեղադրանք է առաջադրվել:
Հիշեցնենք, նա այսօր հրավիրվել էր ՀՀ քննչական կոմիտե` հարցաքննության: Հարցաքննությունից հետո, լրագրողների հետ զրույցում, Մանվել Փարամազյանի շահերի պաշտպան Երվանդ Վարոսյանն ասաց, որ իր պաշտպանյալը մեղադրվում է 8 ամիս առաջ հարուցված մի քրեական գործով, որով, իբրեւ Մանվել Փարամազյանը`3 քաղաքացու հետ, առեւանգել է մի քաղաքացու։ «Ոտքից գլուխ անհեթեթություն է։ Այդ տղաներին, որոնց ձերբակալել էին, վաղուց ազատության մեջ են։ Մամուլից ծանոթանալով տեղեկացա, որ այն անձը, որը տուժող էր ճանաչվել, վաղուց արդեն ներկայացրել է իրականությունը»,- ասաց Երվանդ Վարոսյանը։
Պաշտպանը պնդում է, որ Մանվել Փարամազյանն այդ քրեական գործի հետ առնչություն չունի. «Սա քաղաքական վրեժխնդրություն է, քաղաքական հետապնդում»: Երվանդ Վարոսյանն այս ամենն ուղղակի կապում է Քաջարանի քաղաքապետի մարտական գործողություններին ակտիվ մասնակցության եւ Սյունիքի համայնքապետերի հայտնի հայտարարության հետ, որով քննադատում էին կառավարությանը եւ պահանջում կառավարության հրաժարականը. «Ծիծաղելի է, որ 8 ամիս անց ինչ-որ մեկը որոշում է նման մեղադրանք առաջադրել։ Սա փաստում է, որ Քաջարանի քաղաքապետն այնքան մաքուր անձնավորություն է, որ ուրիշ բան չի գտնվել, քան այդ հեքիաթը»։
ՀՀ քննչական կոմիտեն որոշում է կայացրել՝ Մանվել Փարամազյանին կալանավորելու մասին միջնորդություն ներկայացնել դատարան։
Կարդացեք նաև
Նելլի ԳՐԻԳՈՐՅԱՆ
