Ադրբեջանն իր նավթով աշխարհում ամեն տարի գրանցվող 4,5 միլիոն մահերի կարևոր մեղավորներից է։ Պատճառը վառելիքի այրումից էներգիա ստանալու հետևանքով մթնոլորտային արտանետումներն են։
Դրան հակառակ Հայաստանում աճում է մաքուր էներգիայի արտադրության ծավալները, մենք մերժում ենք հանքարդյունաբերությունը, արդյունաբերություն չունենք։ CO2 շատ չենք արտանետում։
Սև ոսկով և սև վարքագծով Ադրբեջանը, գերշահագործեց իր բնական ռեսուրսները, մեծ քանակությամբ զենք զինամթերքով, մեծ բանակով հումանիտար և էկոլոգիական աղետի առջև կանգնեցրեց մեզ և տարածաշրջանին։ Գրավեց հանքեր, ՀԷԿ-եր, որոնք արդեն սկսել է շահագործել։
Իսկ կանաչ, մաքուր ու արդյունաբերությունը մերժող Հայաստանը կորցրեց իր 5000 զավակներին, երկրի մի մասը, տնտեսությունը, հույսն ու ապագան։
Կարդացեք նաև
Աշխարհը շնչում է Ադրբեջանի թունավորած օդը, խմում է Ադրբեջանի կեղտաջրերը, իսկ Հայաստանին ճանաչում է անգործության մատնված պատգամավորներով, նախարարներով, տգետ, կմկմացող ղեկավարներով։
Աշխարհը չգիտի, որ 44 օր հայ ժողովրդի զավակների գլխին թափվել է ֆոսֆորային ռումբեր, ռմբակոծվել են CO2 չարտանետող ՀԷԿ-եր, վառվել են անտառներ, ոչնչացվել է կենդանական աշխարհը և, ամենակարևորը՝ անմարդկային ճակատագրի են արժանացել հազարավոր ընտանիքներ։
Հատկապես հաշվի առնելով ԱՊՀ գագաթնաժողովին Ալիևի ելույթը, որտեղ նա ընդգծեց, որ պատրաստվում է էկոլոգիական վնասի գնահատում իրականացնել, օր առաջ պետք է համախմբել ոլորտի մասնագետների ներուժը, ընթացք տալ առաջարկվող լուծումներին՝ թույլ չտալով Ադրբեջանին հաջողել այն հարցերում, որտեղ մենք ավելի մեծ պոտենցիալ ունենք։
Հայկ ԱԿԱՐՄԱԶՅԱՆ
տ․գ․թ․ բնապահպան-ճարտարագետ
