Անշարժ գույքի վնաս կրած քաղաքացիները փոխհատուցում են ստանում

Սյունիքի մարզում բնակիչներն սկսել են նորոգել 2020թ․ սեպտեմբեր-նոյեմբերի պատերազմի ընթացքում վնասված անշարժ գույքը՝ ՀՀ կառավարության կողմից տրամադրված փոխհատուցման միջոցներով։

Փոխհատուցում է տրվում Գորիս համայնքի Ներքին Խնձորեսկ եւ Կապան համայնքի Դավիթ Բեկ բնակավայրերի բնակիչներին։

Սյունիքի մարզպետարանի մասնագետները համայնքապետարանների աշխատակիցների հետ միասին  վնասված գույքի ուսումնասիրությունն իրականացրել են երկու փուլով։

Պատերազմական գործողությունների ավարտից անմիջապես հետո Դավիթ Բեկում չափագրվել-ուսումնասիրվել էր 57 տուն, դրանց տերերն արդեն ստացել են ընդհանուր 30 մլն 443 հազար դրամ փոխհատուցումը։  Վերջին օրերին Դավիթ Բեկում ուսումնասիրվել է եւս 34 տուն։

Կարդացեք նաև

«Սահմանապահները փորձել են հատել ՀՀ պետական սահմանը և վերադարձնել հոտը՝ այդ կերպ խախտելով սահմանապահ ծառայություն կրելու կանոնները». ԱԱԾ

• 11:32 12.04.2024

Փաշինյանը բարձրացավ ԱԺ օթյակ՝ շփվելու Ներքին Խնձորեսկի աշակերտների հետ. նրան հարցրեցին Ներքին Խնձորեսկի մոլորված հայ հովիվի մասին

• 14:38 11.04.2024

Հայաստան-Ադրբեջան պետական սահմանի Ներքին Խնձորեսկ հատվածում միջադեպ է տեղի ունեցել. ադրբեջանական կողմն ունի մեկ վիրավոր. ԱԱԾ

• 17:56 10.04.2024

Ներքին Խնձորեսկում արդեն փոխհատուցում է ստացել 16 տուն՝ 14 մլն 196 հազար դրամ ընդհանուր գումարով, երկրորդ փուլով ուսումնասիրվել է եւս 15 տուն։

Ներկա պահին մարզպետարանում հաշվարկում են երկրորդ փուլի չափագրման արդյունքները, եւ  տվյալները կուղարկվեն ՀՀ կառավարություն։

Սյունիքի մարզպետարան