Ադրբեջանից Հայաստան վերադարձած գերիների համար կառավարությունը կնախատեսի առանձին ծրագրերի խումբ։ Այս մասին այսօր ԱԺ-կառավարություն հարցուպատասխանի ժամանակ հայտարարեց ՀՀ աշխատանքի եւ սոցիալական հարցերի նախարարի տեղակալի պաշտոնակատար Նարեկ Մկրտչյանը։
Նրա խոսքով՝ այդ ծրագրերը չեն ենթադրելու փող բաժանել, այլ լուծելու են մասնագիտական կողմնորոշման, զբաղվածության խնդիրներ։ «Առողջապահական որոշակի ծառայություններից օգտվելու հնարավորություն եւս կլինի։ Շատ են դիմումները, որ գերեվարության ժամանակ որոշակի առողջական խնդիրներ են ի հայտ եկել։ Այսինքն, կլինի մեկ՝ սոցիալական-առողջապահական փաթեթ։ Հարցը քննարկումների փուլում է»,-հայտնեց Նարեկ Մկրտչյանը։
Լուիզա ՍՈՒՔԻԱՍՅԱՆ
