«Սյունիքում, ի վերջո, սահմանազատում արվո՞ւմ է, թե ոչ։ Ինչո՞ւ չեք հրապարակում սահմանազատման քարտեզը»,-ԱԺ-կառավարություն հարցուպատասխանի ժամանակ այսօր հետաքրքրվեց «Լուսավոր Հայաստան» խմբակցության պատգամավոր Աննա Կոստանյանը։
ԱԳ նախարարի պաշտոնակատար Արա Այվազյանն արձագանքեց․ «Սահմանազատման գործընթացը երկար է եւ տեղի կունենա այն ժամանակ, երբ ՀՀ-ի եւ համապատասխան երկրի միջեւ կհաստատվեն դիվանագիտական հարաբերություններ, կստեղծվի սահմանազատման համատեղ հանձնաժողով, որը կմշակի մեթոդոլոգիա, որի հիման վրա կսկսվի գործընթացը։ Մնացած տեղաշարժերը սահմանագծման եւ սահմանազատման գործընթացներից դուրս են ու պայմանավորված են անվտանգային, պաշտպանական նկատառումներով»։
Լուիզա ՍՈՒՔԻԱՍՅԱՆ
