«Գործընթաց կա, որը համոզված եմ, որ ուղղորդված էր։ 2018թ․-ին նախորդած՝ կապույտ մազերով աղջկա դեպքը հակաարցախյան տրամադրությունների բորբոքում էր, որը հիմա պտուղներ է տալիս եւ որին մասնակցել են այսօրվա իշխանության ներկայացուցիչները։ Արցախցիները բողոքում են իրենց հանդեպ խտրական վերաբերմունքից»,-ԱԺ մարդու իրավունքների պաշտպանության եւ հանրային հարցերի հանձնաժողովի այսօրվա նիստում հայտարարեց իրավապաշտպան, Արցախի նախկին ՄԻՊ Ռուբեն Մելիքյանը։
Նրա խոսքով․ «Մարդիկ ամաչում են սրա մասին խոսել։ Բացի այդ, չունենք օրենսդրական բազա։ «Կապուտուլյանտ» անվանելը քրեականացրել են, սակայն գորիսեցու կամ արցախահայի հանդեպ խտրական վերաբերմունքի ցուցաբերումը քրեականացված չէ։ Քրեաիրավական ճանապարհով պետք է այս խայտառակության դեմ պայքարել։ Ես սա անվանում եմ ներազգայնական ռասիզմ, եւ սա խայտառակություն է։ Որոշակի դրսեւորումներ եմ նկատել նաեւ Արցախում, եւ սա եւս պետք է արձագանքի արժանանա։ Եթե պետք լինի, տասնյակ օրինակներ կբերեմ։ Չպետք է վախենալ այս հարցից»։
Կարդացեք նաև
Լուիզա ՍՈՒՔԻԱՍՅԱՆ
