Սեպտեմբերի 21-ին ՝ Հայաստանի Հանրապետության Անկախության օրը, Մոսկվայում, Խորհրդային միության մարշալ Հովհաննես Բաղրամյանի անվան թիվ 1222 դպրոցի տարածքում տեղի է ունեցել «Երկու ժողովուրդների մարշալ Բաղրամյան» հուշարձանի բացման արարողությունը (հեղինակ ՝ Ա. Տաթևոսյան):
Խորհրդային և հայ ականավոր հրամանատար, Խորհրդային միության կրկնակի հերոս, Խորհրդային միության մարշալ Հովհաննես Բաղրամյանի հիշատակին նվիրված քանդակ-ճարտարապետական կոմպոզիցիայի նախաձեռնողը Ռուսաստանի Դաշնությունում ՀՀ դեսպանությունն է: Կոմպոզիցիան տեղադրվել է Նիժեգորոդսկու քաղաքային շրջանի, Մոսկվայի կառավարության և Մոսկվայի քաղաքային դումայի աջակցությամբ:
Բացման արարողությանը ողջույնի խոսքով հանդես է եկել ՌԴ-ում ՀՀ դեսպան Վարդան Տողանյանը: Իր խոսքում նա ընդգծել է․
«Հատկանշական է, որ Հայաստանի Հանրապետության և հայ ժողովրդի համար այս կարևոր օրը մենք հուշարձան ենք բացում մի մարդու համար, որը մեր ժողովուրդների համար դարձել է Հաղթանակի, ռազմական փառքի և միավորման խորհրդանիշ»։
Կարդացեք նաև
«Երկու ժողովուրդների մարշալ Բաղրամյան» քանդակային և ճարտարապետական կոմպոզիցիայի կենտրոնում Բաղրամյանի կիսանդրին է՝ գրանիտե երկաստիճան պատվանդանի վրա: Կիսանդրու հետևում կան երկու հայելային գրանիտե սյուներ (3.8 մ բարձրության), որոնք խորհրդանշում են Հայաստան և Ռուսաստան պետությունների միությունը։
