Դատարանը մերժել է Երեւանի քաղաքապետի հայցերն ընդդեմ Իշխան Սաղաթելյանի, որով քաղաքապետարանը պահանջում էր տուգանել նրան շտապ հավաքների անցկացման փաստը հիմք ընդունելով։ Այս իր ֆեյսբուքյան էջում գրել է իրավագետ Վահե Գրիգորյանը։
«Ինչպեսեւ խոստացել էի` Երեւանի քաղաքապետը 3-րդ եւ 4-րդ անգամ նույնպես պարտվեց.
Նախորդ տարի տեղի ունեցող բողոքի ակցիաների եւ շտապ հավաքների անցկացման փաստը հիմք ընդունելով` Երեւանի քաղաքապետը 4 հայց է ներկայացրել ընդդեմ Իշխան Սաղաթելյանի` պահանջելով որպես կազմակերպիչ նրան տուգանել մինչեւ 300.000 ՀՀ դրամի չափով, ընդհանուր առմամբ` 1 մլն 200 հազար ՀՀ դրամի չափով:
4 վերաբերելի գործերով էլ Իշխան Սաղաթելյանի ներկայացուցիչը հանդիսանում եմ Ես, նրա իրավունքների եւ ազատությունների պաշտպանությունը սույն գործերով իրականացվում է Իմ կողմից:
Կարդացեք նաև
Հունիսի 9-ին արդեն իսկ հայտնել էի, որ Երեւանի քաղաքապետը ընդդեմ Իշխան Սաղաթելյանի երկու գործերով` ՎԴ/5036/05/22 եւ ՎԴ/5094/05/22 պարտվել է:
Ահա քիչ առաջ ՀՀ Վարչական դատարանը ՎԴ2/0186/05/22 եւ ՎԴ2/0178/05/22 գործերով եւս Մեր պահանջներն բավարարել է, այսինքն` մերժել է Երեւանի քաղաքապետի երկու հայցերն ընդդեմ Իշխան Սաղաթելյանի:
Հ.Գ. Հարգելի եւ սիրելի լրագրողներ, պարտվող կողմը Երեւանի քաղաքապետն է ի պաշտոնե, բացակայության դեպքում` նրա պարտականությունները ժամանակավորապես կատարողը, քանի որ հայց հարուցելու իրավունքը պայմանավորված է համայնքի ղեկավարի պաշտոնով, իսկ Հրաչյա Սարգսյանի հրաժարականից հետո Երեւանի քաղաքապետի պարտականությունները կատարող(ները) չեն հրաժարավել հայցից. սա ընդունեք ի գիտություն»,- գրել է նա:
