«Բոլորին կոչ եմ անում՝ ոչ մեկ իրավունք չունի ոչ մեղադրելու արցախցիներին Արցախը լքելու պարագայում, ոչ մեկ էլ իրավունք չունի այդ հարցը փակելու, որը կրում է արցախահայությունն ու ամբողջ հայ ազգը։ Վստահեցնում եմ՝ ժամանակ է գալու՝ պատմական արդարությունը վերականգնվելու է»,- Արցախի հայաթափման 3-ամյա տարելիցին նվիրված սգո երթի ու հարգանքի տուրքի ժամանակ «Եռաբլուրում» լրագրողների հետ զրույցում վստահեցրեց արցախցի գործիչ Անաստաս Իսրայելյանը։
Նա հիշեց՝ պատերազմը, որ սկսվեց, սահմանին գտնվող մեր զինվորները չհանձնվեցին․ «Առավելագույնն ինչքան կարողացան իրենց կյանքի գնով արեցին, ապացուցեցին, որ արցախցիները պարտվելու, նահանջելու նպատակ չունեն։ Մենակ են թողել արցախցիներին, պատմությունը ցույց է տվել, որ Արցախի ազատագրումը և հայ ազգի բոլոր հաղթանակները միշտ միասնության արդյունքում է եղել»։
Արցախի հայաթափման 3-ամյա տարելիցին նվիրված սգո երթն ու հարգանքի տուրքը «Եռաբլուրում»՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
Գլխավոր լուսանկարն՝ արխիվային
