97-րդ «Օսկար» մրցանակաբաշխության «Լավագույն ֆիլմ» ճանաչվեց «Անորա» ֆիլմը:
«Անորա»-ն կատակերգադրամատիկ ֆիլմ է, որը նկարահանել է Շոն Բեյքերը։ Ֆիլմի պրեմիերան կայացել է 2024 թվականի մայիսի 21-ին Կաննի կինոփառատոնում, որտեղ ֆիլմն արժանացել է «Ոսկյա արմավենու ճյուղի»։
Ֆիլմի գործողությունները տեղի են ունենում Բրուքլինում։ Գլխավոր հերոսը՝ Անորան, երիտասարդ մերկապարուհի է Բրայթոն Բիչից՝ Նյու Յորքի ռուսալեզու համայնքից: Նա ռուսերեն գիտի, ուստի շեֆը նրան ծանոթացնում է ռուսախոս հաճախորդների հետ: Նա ծանոթանում է ռուս օլիգարխի որդու՝ Իվանի հետ, սիրահարվում են ու ամուսնանում։ Փեսայի ծնողները, իմանալով կատարվածի մասին, գալիս են Նյու Յորք՝ ամեն ինչ կարգավորելու:
Կարդացեք նաև
Գլխավոր դերերում նկարահանվել են Մայքի Մեդիսոնը, Մարկ Էյդելշտեյնը և Յուրա Բորիսովը։ Ֆիլմում նկարահանվել են նաև հայ դերասաններ Վաչե Թովմասյանն ու Կարեն Կարագուլյանը։
Մայքի Մեդիսոնը «Անորա» ֆիլմի համար «Լավագույն դերասանուհի» ճանաչվեց:
Շոն Բեյքերը «Լավագույն ռեժիսոր» նոմինացիայում հաղթող ճանաչվեց։
Ֆիլմը հաղթեց նաեւ «Լավագույն ֆիլմ», «Լավագույն մոնտաժ» և «Լավագույն օրիգինալ սցենար» անվանակարգերում։
Լուսանկարը՝ Վաչե Թովմասյանի ֆեյսբուքյան էջից
