«Գործող ռեժիմի կողմից մեզ հրամցվում է օրակարգ, որ իբր այլընտրանք չկա։ Անգամ ստեղծված իրավիճակում կա այլընտրանք և այդ այլընտրանքը ոչ միայն քաղաքական բանաձևերով է, այլև համակցված է տնտեսական, մասնագիտական և լոգիստիկ հիմնավորումներով։ Նիկոլ Փաշինյանի կողմից առաջ մղվող կեղծ օրակարգին՝ այսպես կոչված խաղաղության խաչմերուկին, կա այլընտրանք, և այդ այլընտրանքի վրա ՀՀԿ մասնագիտացված թիմը աշխատել է երկար ժամանակ»,- «Հայաստանը և տրանսպորտային մեգածրագրերը» թեմայով քննարկման ժամանակ վստահեցրեց ՀՀԿ փոխնախագահ Արմեն Աշոտյանը։
Ըստ նրա՝ ՀՀ իշխանությունները հանցավոր թեզեր են առաջ մղում։ Արմեն Աշոտյանը նշեց․ «Արցախը տանք, հանգիստ ապրենք» հանցավոր թեզից հետո հիմա նոր թեզ է հրամցվում․ «Սյունիքը տանք, հանգիստ ապրենք»։ Հետո տալու ենք անկլավները, որ հանգիստ ապրենք, հետո այդ ամենին խանգարողներին․ մինչև ո՞ւր կարելի է տալ, որ այսպես կոչված «հանգիստ ապրենք»։ Ակնհայտ է, որ տալով հանգիստ ապրել չենք կարող։ Մեր շեշտադրումն այն է, որ ՀՀ-ն ոչ միայն կարող է տալ, այլ ստանալ»։
«Հայաստանը և տրանսպորտային մեգածրագրերը» թեմայով քննարկումն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
