ԱԺ «Պատիվ ունեմ» դաշինքի պատգամավոր, Արցախի Հանրապետության նախագահի նախկին խորհրդական Տիգրան Աբրահամյանի ֆեյսբուքյան գրառումը
Սրանք սիրում են հաստափոր հատորներով քրեական գործեր հարուցել քաղաքական ընդդիմախոսների ու նրանց ընտանիքի անդամների նկատմամբ, դրանց ողջ ընթացքն՝ անմեղության կանխավարկածը տրորելով, զրպարտել, իսկ երբ թեման հասնում է այդ գործերով արդարացումներին, խուլ ու համր են ձևանում։
5 տարի է՝ սրանք թիրախավորում էին մեր գործընկեր Աննա Մկրտչյանին ու նրա հորը, բազմաթիվ պիտակավորումներ և վիրավորանքներ հնչեցնում, իսկ Աննան բոլոր հնարավոր միջոցներով կռիվ էր տալիս։
Իսկ հիմա, երբ Վճռաբեկ դատարանի վճռով Աննայի հայրը՝ Արա Մկրտչյանը, արդարացվեց, դրա մասին նույն զրպարտիչներն ու նրանց քարոզչամիջոցները լռում են․ թեմային անդրադառնալն այլևս ձեռնտու չէ։
