Խորհրդարանում՝ 2025 թվականի բյուջեի կատարողականի քննարկումները ՀՀ առողջապահության նախարար Անահիտ Ավանեսյանը սկսեց՝ շնորհավորելով Հայաստանում կայացած «ազատ, արդար և թափանցիկ» խորհրդարանական ընտրությունները, շնորհավորեց իր կուսակիցներին՝ հաղթանակի առիթով։
Բյուջեի կատարողականի մասին էլ ասաց․ «Մեր կառավարման ընթացքում առողջապահության ոլորտի բյուջեն կրկնապատկվել է․ 2018-ի համեմատ՝ 2025-ինը, իսկ 2026-ի համար կրկնապատիկից էլ ավելի մեծ աճ ունենք»։
2024-ին Հայաստանում կյանքի ամենաբարձր ցուցանիշն է գրանցվել՝ 78,6 տարեկան․ սա Անահիտ Ավանեսյանը պայմանավորում է իրենց կառավարության վարած քաղաքականությամբ և բավական մեծ ձեռքբերում համարում։ Առողջապահության համընդհանուր ապահովագրությունն էլ է համարում ՔՊ-ական կառավարության հաջողության պատմություն։
«Ի հեճուկս ընդդիմության և նախընտրական քարոզի շրջանակներում բազմիցս կեղծ թեզերի շրջանառության՝ առողջության համընդհանուր ապահովագրությունը 2027 թվականի հունվարի 1-ից էլ ավելի կընդլայնվի՝ ներառվող շրջանակների մասով։ 2028 թվականին արդեն կամփոփի մեր ողջ բնակչությանը»։
Կարդացեք նաև
Մանրամասները՝ տեսանյութում։
Նելլի ԳՐԻԳՈՐՅԱՆ
