«Ազատություն» ռ/կ-ի Ստեփանակերտի թղթակիցը, վկայակոչելով ԼՂՀ դատախազությունը, հայտնել է, թե մարտի 22-ի գործի նախաքննության ընթացքում ձեռք են բերվել մի շարք փաստեր, որոնք վկայում են Սամվել Բաբայանի կողմից Հայաստանի ԱԺ-ի որոշ պատգամավորների ապօրինաբար ֆինանսավորելու մասին։ Խոսքը վերաբերում է «Իրավունք եւ միաբանություն» դաշինքի ներկայացուցիչներին, որոնք, ըստ ԼՂՀ դատախազության աշխատակցի՝ «Փորձում են տապալել Ստեփանակերտում հրապարակային դատավարության անցկացումը, քանի որ իրենց վերոհիշյալ կապերը հանցագործների հետ կարող են բացահայտվել ու դառնալ հանրության սեփականությունը»։
ԱՊԱՀԱՐԶԱՆ ՉԻ ԼԻՆԻ
ՀԺԿ-ի տարածքային կազմակերպություններում խմորվող դժգոհությունների եւ այդ կուսակցության ներսում պառակտման միտումների առկայության վերաբերյալ հրապարակումների առնչությամբ «Միասնություն» խմբակցության քարտուղար Վարդան Մկրտչյանը, որ նաեւ ՀԺԿ Շենգավիթի տարածքային կազմակերպության քարտուղարն է, «Առավոտին» ասաց, թե այդ պնդումներն իրականությանը չեն համապատասխանում. «Եվ հակառակը՝ ՀԺԿ կառույցներն ամրապնդվում են ու համալրվում նոր ինտելեկտուալ անդամներով»։
Կարդացեք նաև
ԱՆՁՐԵՎԸ ԿԼՎԱ՞ ԲՈԼՈՐ ՀԵՏՔԵՐԸ
Երեկ տեղացած հորդ անձրեւը բավական վնաս է հասցրել նախագահի նստավայրին։ Լուրեր կան շինություններից մեկի պատի փլվելու մասին։ Ու նաեւ՝ ջուրը լցվել է այն մասնաշենքը, ուր պահվում է արխիվը՝ որոշակիորեն վնասելով այն։
