Համազեկուցողներ Պեդրո Ագրամունտի ու Ժոզեֆ Գրեշի ներկայացրած «Ադրբեջանի կողմից ստանձնած պարտավորությունների եւ հանձնառությունների կատարումը» խորագրով զեկույցը ԵԽԽՎ ձմեռային նստաշրջանի նիստերի ընթացքում արժանացավ տարբեր պատվիրակների, այդ թվում նաև հայկական պատվիրակության անդամների սուր քննադատությանը: Զեկույցն ի վերջո Վեհաժողովը մերժեց:
Վեհաժողովի երեկվա նիստում հայկական պատվիրակության նախագահ Դավիթ Հարությունյանը հանդես եկավ անհատական հայտարարությամբ և Ագրամունտին մեղադրեց ստախոսության մեջ: Դ. Հարությունյանը հայտարարեց. «Իր պնդումներն ավելի համոզիչ ներկայացնելու համար Ագրամունտը մանիպուլյացիաների է դիմել և խեղաթյուրել իմ փաստարկները, որոնք վերաբերում էին հակամարտության փաստական տվյալներին»:
Դ. Հարությունյանը Ագրումենտի պահվածքը «ցավալի» և «անընդունելի» համարեց՝ շեշտելով, որ նա իր մանդատի համաձայն պարտավոր է պահպանել անկողմնակալ ու արդար մոտեցում:
Մանրամասնելով Դ. Հարությունյանը հայտարարեց. «Պարոն Ագրամունտի գործողությունը կարող է համարվել կամ կանխամտածված կերպով ապակողմնորոշում Վեհաժողովին, կամ էլ նա ցանկանում էր հետագայում էլ ապացուցել իր լոյալությունը: Նրա հղումները իմ ենթադրյալ փաստարկներին չեն համապատասխանում իրականությանը: Սարսափելի է, որ Վեհաժողովի անդամը, ավելին, Մոնիտորինգի հանձնաժողովի համազեկուցողը դիմում է կեղծիքի: Պարոն Ագրամունտի հիշողությունը նրան դավաճանել է: Ես նրան խորհուրդ եմ տալիս վերանայել արձանագրությունը համապատասխան հանձնաժողովի հետ»:
Կարդացեք նաև
Տաթև ՀԱՐՈՒԹՅՈՒՆՅԱՆ
