Այսօր «Փաստարկ» ակումբում ՀՀ նախագահի թեկնածու Արամ Հարությունյանը հանդես եկավ հայտարարությամբ: Ըստ նրա` «Մինչեւ ՀՀ նախագահի առաջադրումը, վերջին խորհրդարանական ընտրություններում միասին ավելի քան 46 տոկոս ձայն հավաքած «Բարգավաճ Հայաստան», «Հայ ազգային կոնգրես» եւ «Հայ հեղափոխական դաշնակցություն» քաղաքական ուժերի համար եղել են խոչնդոտներ (փողերի լվացման անհիմն մեղադրանք, ճնշումներ համակիրների վրա, գաղտնալսումներ), այդ պատճառով էլ այս ուժերը ՀՀ նախագահի ընտրություններում որեւէ թեկնածու չառաջադրեցին, ինչպես նաեւ նախագահական ընտրությունների քարոզարշավի ընթացքում թեկնածուների մեկի վրա իրականացվեց մահափորձ:
Հաշվի առնելով այս ամենը`ես հայտարարում եմ, որ փետրվարի 18-ին կայանալիք նախագահական ընտրություններն ի սկզբանե անօրինական են: Կոչ եմ անում նախագահի բոլոր թեկնածուներին ինքնաբացարկ հայտնել եւ քվեաթերթիկում Սերժ Սարգսյանին թողնել միայնակ: Ինքս փետրվարի 7-ին, ժամը 17:00- ից մինչեւ փետրվարի 8-ը ժամը 17:00 –ն ՀՀ կենտրոնական ընտրական հանձնաժողովի մոտ
Նստելու եմ հացադուլի, որից հետո ինքնաբացարկ եմ հայտնելու: Սիրելի հայրենակիցներ, փետրվարի 19-ից սկսած ես շարունակելու եմ իմ պայքարը հանուն բոլորիս երազած Հայաստանի»:
Եվա ՀԱԿՈԲՅԱՆ
