Հունիսի 29-ի երեկոյան դանակահարություն է տեղի ունեցել Լոռիի մարզում: NEWS.am-ը տեղեկացնում է, որ ժամը 22:00-24:00-ի սահմաններում Արջուտ գյուղի տներից մեկում բանակի քեֆ է եղել, մյուս տանը` ծննդյան արարողություն, վեճը ծագել է երկու խնջույքների մասնակիցների միջեւ, ապա ծննդյան տոնի մասնակիցներից մեկը դանակով հարվածել է բանակի քեֆի մասնակից երկու եղբայրների: Վեճի մասնակիցներին բաժանելու նպատակով խառնվել է նաեւ Արջուտ համայնքի ղեկավարը, ով եւս դանակի թեթեւ հարվածներ է ստացել: Երեք անձինք էլ ստանալով անհրաժեշտ բուժօգնություն, դուրս են գրվել հիվանդանոցից:
Արջուտ համայնքի ղեկավար Վարդան Մկրտչյանը հայտնել է, որ ոչ մի միջադեպ էլ չի եղել: «Ոչ մի բան էլ չկա, քերծվածքներ եմ ստացել, ոչ մի դեպք էլ չի եղել, ես էլ հիմա դաշտում աշխատում եմ»,-հայտնել է գյուղապետը:
