Վարչապետ Հովիկ Աբրահամյանը հանձնարարել է շահագրգիռ պետական մարմիններին սեղմ ժամկետներում նախապատրաստել օրենքի նախագիծ, որով մինչև Սահմանադրական դատարանի 2014թ. ապրիլի 3-ի որոշմամբ նախատեսված «Կուտակային կենսաթոշակների մասին» օրենքի վերաբերյալ օրենսդրական փաթեթի ընդունումը Ազգային ժողովի կողմից կկասեցվի տույժերի հաշվարկը:
ՍիվիլՆեթի հարցմանը, որ հաշվի առնելով վարչապետի հանձնարարականը՝ ՊԵԿ-ը պատրաստվո՞ւմ է արդյոք հանդես գալ համապատասխան փոփոխությունների առաջարկով, որը հնարավորություն կտա քաղաքացիներին էլեկտրոնային հաշվետվություններ ներկայացնելիս չլրացնել կենսաշթոշակային վճարումներին վերաբերող մասը, ՊԵԿ-ից ստացվել է հետևյալ պատասխանը․
«Պետական եկամուտների կոմիտեի գործողությունները` բարձրացված հարցերի կարգավորման ոլորտում, իրականացվելու են աշխատանքային խմբի շրջանակներում` «Կուտակային կենսաթոշակների մասին» ՀՀ օրենքի դրույթների կիրառելիության վերաբերյալ ընդունված որոշումներին համապատասխան»:
Անի Գրիգորյան
Նյութի մանրամասները կարդացեք civilnet.am -ի կայքում
