Ամերիկահայ ռոք երաժիշտ Սերժ Թանկյանը կոչ է արել դադարեցնել պաղեստինցիների նկատմամբ Իսրայելի բռնությունները՝ Ֆեյսբուքի իր էջում հայտնելով, որ Իսրայելը զավթել է Գազան և Հորդանանի արևմտյան ափը:
«Ժամանակն է վերջ տալ այս ողբերգությանը, որը հայտնի է որպես Իսրայելի կողմից Հորդանանի արևմտյան ափի և Գազայի զավթում», – ասել է նա՝ նշելով, որ իր «Occupied tears» (զավթած արցունքներ) երգը անդրադառնում է այս խնդրին և մի ժողովրդի կեղծավորությանը, որն «անցել է Հոլոքոստի սարսափելի դաժանությունների միջով, իսկ այժմ զավթել է այլ ժողովրդի»:
Թանկյանը գրել է, որ ԱՄՆ պետքարտուղար Ջոն Քերին մեծ ջանքեր է գործադրել, որպեսզի հակամարտության կարգավորման բանակցությունները վերսկսվեն. «Համասն ու Պաղեստինի ղեկավարությունը միավորվեցին երկխոսություն սկսելու համար, իսկ Իսրայելի վարչապետ Բենիամին Նեթանյահուն փորձում էր պառակտել նրանց, բայց չկարողացավ: Ի վերջո առևանգումները դարձան քաղաքական արդարացում, որպեսզի Իսրայելը կրկին ձերբակալի պաղեստինյան քաղբանտարկյալներին: Համասը որպես պատասխան հրթիռներ արձակեց: Իսրայելը վերջնական խաղաղության հաստատման հեռանկարը ջուրը գցեց՝ ներխուժելով Գազա և բանակցային՝ մշտական խաղաղության թեման փոխարինեց ժամանակավոր հրադադարի թեմայով», – գրել է նա:
Այդուհանդերձ, Թանկյանը զգուշացրել է, որ այս դեպքերը հակասեմական տրամադրությունների առիթ չպետք է դառնան:
Կարդացեք նաև
Պատրաստեց Հովհաննես ԻՇԽԱՆՅԱՆԸ
էս գեյերին մոռացել, պաղեստինցիներին ես պաշպանում՞ Սերոժ
բա նաիր, թե ինչ վիճակում են գեյերը Հայաստանում, այ ախպար, սենց ոնց՞ կլինի 😀 😀