Ադրբեջանը պատմության մեջ կմնա որպես պետություն, որը 47 անդամ ունեցող Եվրոպայի խորհրդի նախագահության ժամանակահատվածում աննախադեպ հետապնդում է իրականացնում իրավապաշտպանների նկատմամբ, ամփոփելով հոկտեմբերին Ադրբեջան կատարած իր այցը՝ գնահատել է Եվրոպայի խորհրդի մարդու իրավունքների հանձնակատար Նիլս Մուժնիեկսը:
«Իմ բոլոր գործընկերներն Ադրբեջանի բանտում են. Սրտամաշ իրադարձություն էր Բաքվում նախնական կալանքի տակ գտնվող Լեյլա Յունուսին այցելելը»,- ասել է Մուժնիեկսը և նկարագրել ադրբեջանական բանտում գտնվող իրավապաշտպանների, լրագրողների, մտավորականների և ակտիվ քաղաքացիների նկատմամբ պետական վերաբերմունքը:
Եվրոպայի խորհրդի մարդու իրավունքների հանձնակատարը հատուկ անդրադարձ է կատարել Լեյլա և Արիֆ Յունուսներին:
«Յունուսներ զույգը տարածաշրջանի ամենաքաջ իրավապաշտպաններից են, որոնք պատերազմից հետո ձգտում էին հասնել Հայաստան-Ադրբեջան երկխոսությանը»,- նշել է Մուժնիեկսը։
Կարդացեք նաև
Եվրոպայի խորհրդի մարդու իրավունքների հանձնակատարը, ի մի բերելով հոկտեմբերին Ադրբեջան կատարած այցի մանրամասները, արձանագրել է, որ Լեյլա Յունուսի հետ բանտում տեսակցության 30 րոպեներին վերջինս անընդմեջ արտասվում էր: Նա, ըստ հանձնակատարի, տառապում է շաքարախտով, հեպատիտ С-ով, երիկամների խնդիրներ ունի:
Ադրբեջանցի իրավապաշտպան Լեյլա Յունուսի առողջական խնդիրների մասին շարունակում է բարձրաձայնել նրա փաստաբան Էլչին Ղամբարովը:
Մանրամասները կարող եք կարդալ` «Ազատություն» ռ/կ-ի կայքում
