Այսօր Գյումրու թատերական հրապարակում «Հիմնադիր խորհրդարանի» հանրահավաքը տեղի ունեցավ արտառոց միջադեպերով՝ ուղեկցվեց դանակահարությամբ, ելույթ ունեցողների վրա ձվեր շպրտելով, սադրիչ կանանցով, որոնցից մեկին հանրահավաքի մասնակիցները անվանեցին «վենետիկյան պոռնիկ»:
Հանրահավաքը նշանակված էր ժամը 14.00-ին, սակայն մինչեւ «Հիմնադիր խորհրդարանի» անդամների ժամանելը Թատերական հրապարակում հավաքվել էին այն նույն երիտասարդ սադրիչները, որոնք օրեր առաջ խոչընդոտեցին Ժիրայր Սեֆիլյանի գլխավորած ավտոերթը դեպի Գյումրի:
Հիշեցնենք, որ այդ նույն դեմքերը Գյումրու մուտքի մոտ խոչընդոտել էին լրագրողների աշխատանքը՝ նրանց պոռնիկ անվանելով:
Կարդացեք նաև
Ինչեւէ, այսօր հանրահավաքի կազմակերպիչներին մոտ մեկ ժամ առաջ Թատերական հրապարակում սպասում էին այդ նույն դեմքերը, լրագրողները, ազգային անվտանգության աշխատակիցները՝ քաղաքացիական հագուստով ու մի քանի ոստիկաններ: Հանրահավաքը սկսվելուն պես գողական աշխարհի ներկայացուցիչները, որոնք ընդամենը 17-19 տարեկան երիտասարդներ էին՝ ծամոնները բերաններում, ձեռքերին թազբեհներ, սկսեցին ակտիվանալ, մտնում էին հանրահավաքի մասնակիցների շարքերը ու ամբողջ ընթացքում սադրանքներ հրահրում:
Մի քանի անգամ հանրահավաքը վարող Վարդան Հակոբյանը դիմեց հրապարակում կանգնած ոստիկանությանը՝ խնդրելով արագ հեռացնել այդ ջահելներին, քանի որ սադրանքներ են հրահրում: Մի անգամ կարողացան հեռացնել, սակայն նրանք վերադարձան ձվերը ձեռքներին, շպրտեցին ելույթ ունեցողների վրա: Հանրահավաքի մասնակիցները խառնվեցին իրար, գնացին հետ մղեցին նրանց, հնչեցին հայհոյանքներ: 
Քիչ անց Ժիրայր Սեֆիլյանի ելույթի ժամանակ վերջիններս նորից հայտնվեցին, սակայն այս անգամ դանակահարեցին «Հիմնադիր խորհրդարանի» անդամ Հրաչիկ Միրզոյանին: Շտապօգնություն եկավ, նրան տեղափոխեցին Գյումրու բժշկական կենտրոն:
Վարդան Հակոբյանը հայտարարեց. «Ոստիկանության բարձրաստիճան պաշտոնյաների ներկայությամբ դանակահարվեց «Հիմնադիր խորհրդարանի» անդամ Հրաչիկ Միրզոյանը: Այնքան հապաղեցին, հանցավոր անտարբերությամբ, ծառայողական պարտավորությունների չկատարման պարագայում աչքի առաջ դանակահարվեց մեր պատգամավորը: Ես կարծում եմ, որ դուք, պարոնայք ոստիկաններ, հատկապես բարձրաստիճան, անձնական պատասխանատվություն պետք է կրեք, չկրեք այս ռեժիմի ժամանակ, կրելու եք ապագայում»:
Սրանով եզրափակեցին հանրահավաքը, սակայն Ժիրայր Սեֆիլյանին մոտեցավ մի կին ու սկսեց դատապարտել, թե ինչու է գալիս Գյումրու: «Ամերիկայից ձեր վարձկանները կոչ արեցին, որ Գյումրիում արյունահեղություն սկսեք, ես համայն ուշադրությամբ լսում էի ձեր կոչերը, բայց այսօրվա դրությամբ դուք գալիս եք Գյումրի, խանգարում եք մարդկանց անդորրը», -ասաց տիկինը: Ժիրայր Սեֆիլյանի կողքին կանգնած մարդիկ չթույլատրեցին անգամ, որ նա պատասխանի այս կնոջը, բացականչեցին. «Ձենդ կտրի, այ կնիկ, վենետիկյան պոռնիկ»:
Մանրամասները տեսանյութում.
Նունե ԱՐԵՎՇԱՏՅԱՆ
Ինչքան որ հնարավոր էր հասկանալ տեքտից,«միտինգին» ներկա են եղել լրագրողներ, ոստիկաններ, բողոքավոր կանայք ու մի քանի 16-18 տարեկան երիտասարդ: Բա էլ ում համար են կազմակերպել էդ շոուն???! Որ անպայման «դանակահարվելու պահ» ստեղծվեր??! Փառք Աստծո, ռումբ չի պայթել: Թե դա թողել են հաջորդ անգամվա շոուին??! Բոլոր երկրներում կրկնում են նույն սադրանքները: Լավ,ինչ են ուզում մեզնից, ում ենք խանգարում, ինչու չեն թողնում հանգիստ ապրենք???!!
այսինքն՝ ձեր ՛՛հանգիստ կյանքին՛՛ խանգարում են ո՛չ թե դանակահորողները, այլ՝ փոքրաքանակ միտինգավորները, այո՞ …
Հարգելի Մարատ, ի դեմս պարոն Հայկի, մենք գործունենք պայքարող «հին բոլշեվիկ» ի հետ , որ իր կրծքի տակ դեռ պահում է «հացի գրքույկը» էն հույսով որ Պուտինները վերադարձնելու են ստալինիզմը…
Ծամոն ծամելը երբվանից վատ բան դարձավ, աղջիկ ջան: Օբաման ամեն տեղ ծամոն է ծամում: Վատ է: Հեչ էլ վատ չի: Բայց որ հանկարծ…….Պուտինը գոնե մի անգամ ծամոն ծամեր, հիմա ձեր թերթը մի քանի հազար հոդված կգրեր, Հայրիկյանն իր ութուկես համախոհներով մի քառասուն անգամ ցույց կկազմակերպեր Ռուսաստանի դեսպանատան մոտ, Սաքունցը կասեր………Չափազանցում եմ?? Չէ, չեմ չափազանցում, հե՛նց էդ ոճով եք աշխատում: