Ե՞րբ է կառավարությունը պատրաստվում վերանայել տնտեսական աճի ցուցանիշը`4,1 տոկոս, մանավանդ, որ բոլոր գերատեսչություններն ավելի նվազ աճ են կանխատեսում: ԿԲ-ն անգամ չի բացառում, որ կառավարության նախատեսածից այս տարի տնտեսական աճը տասն անգամ քիչ կարող է լինել:
«Կառավարությունը որեւէ հայտարարություն չի արել, որ ցուցանիշների փոփոխություն չի լինելու: Քննարկումներ են լինելու, դրանք կամփոփվեն եւ կանխատեսումները կներկայացվեն»,- այսօր լրագրողների հետ զրույցում ասաց ՀՀ փոխվարչապետ, Միջազգային տնտեսական ինտեգրման ե բարեփոխումների նախարար, Եվրասիական տնտեսական հանձնաժողովի անդամ Վաչե Գաբրիելյանը:
Լրագրողները փոխվարչապետից հետաքրքրվեցին նաեւ գազի գնի շուրջ ՌԴ եւ ՀՀ կառավարությունների միջեւ ընթացող բանակցություններից: Վաչե Գաբրիելյանն ասաց, որ ինքն այդ բանակցություններին անմիջականորեն չի մասնակցում, ուստի շատ բան ասել չի կարող. «Բանակցությունները շարունակվում են»:
Նելլի ԳՐԻԳՈՐՅԱՆ
