Հունիսի 13-ին Վրաստանի Թեքալի գյուղում կայացած «Եվրոպական ինտեգրացիայի վրացական փորձը որպես հակամարտությունների ձեւափոխման գործիք» թեմայով հասարակական լսումների ժամանակ ելույթ ունենալով՝ Ադրբեջանի Հելսինկյան քաղաքացիական ասամբլեայի Աստաֆա-Ղազախ մասնաճյուղի նախագահ Խամիս Մասիմովը հայտարարեց. «Հայաստանը եւ Ադրբեջանը գտնվում են կափարիչի տակ: Դա միանշանակ է:
Թե ո՞ւմ կափարիչի տակ, դա նույնպես միանշանակ է: Ես չեմ հասկանում, թե եվրաինտեգրացիան ինչպե՞ս կարող է լուծել ղարաբաղյան հակամարտությունը: Դա աբսուրդ է: Եթե հաշվի առնենք, որ Հայաստանի եւ Ադրբեջանի նախագահներին ընտրում են բոլորովին այլ դեմքեր, ոչ թե` ժողովուրդները, եթե հաշվի առնենք, որ Ադրբեջանի եւ Հայաստանի քաղաքացիական սեկտորը ամբողջությամբ ոչնչացված է, ուրեմն պետք է ասենք՝ ի՞նչ եվրոպական ինտեգրացիայի մասին խոսք կարող է լինել: Ես կարծում եմ՝ ավելի լավ կլինի , որ մենք խոսենք կովկասյան ինտեգրացիայի, ժողովրդական դիվանագիտության մասին»:
Ոսկան ՍԱՐԳՍՅԱՆ
