Հուլիսի 30-ին «Սինջար եզդիների ազգային միավորում» հասարակական կազմակերպության ջանքերով Հայաստան են տեղափոխվել եզդիների երեք ընտանիք, ովքեր Իրաքի եզդիաբնակ Շանգալի մարզից տեղահանվել էին դեռևս նախորդ տարվա օգոստոս ամսին:
Կազմակերպությունը այժմ փախստականներին ապահովել է կացարանով և սննդով:
Եզդի փախստականները նշում են, որ իրենք ուրախ են, որ այժմ հայտնվել են հայերի շրջանում և իրենց որևէ վտանգ չի սպառնում:
Փախստականներից 17 ամյա Ֆադլ Բշարը նշում է, որ Իրաքում իրենք ճնշումների էին ենթարկվում, թե արաբների և թե քրդերի կողմից. «Անցած տարվանից հետո ճնշումները շարունակվում են, այսօր էլ ոչ ոք չի կարող երաշխավորել, որ եզդիների ցեղասպանությունը չի կրկնվի: Շանգալում մեզ վրա հարձակվում էին արաբ մահմեդականներ, Քուրդիստանում՝ քուրդ մահմեդականներ»,- ասում է եզդի երիտասարդը՝ ավելացնելով, որ իրենք տեղյակ են, թե ինչպիսի անվտանգ պայմաններում են ապրում իրենց հայաստանցի ազգականները:
Կարդացեք նաև
Նա նաև հույս հայտնեց, որ ՀՀ իշխանությունները իրենց փախստականի կարգավիճակ կտան և հնարավորություն կտան պաշտպանված լինել մինչև կազատագրվի Շանգալը:
Այժմ աշխատանքներ են տարվում, որպեսզի ՀՀ Միգրացիոն ծառայությունը 19 քաղաքացիներին փախստականի կարգավիճակ տրամադրի: Կազմակերպությունը համագործակցում է նաև ՀՀ ՄԱԿ փախստականների գրասենյակի հետ:
«Սինջար եզդիների ազգային միավորում» հասարակական կազմակերպություն
