Այս օրերին, երբ Գյումրին սգում ու միաժամանակ հպարտանում է հայրենիքի համար արիաբար զոհված իր հերոսներով. Գյումրու «Սուրբ Նշան» եկեղեցուց գրեթե ամեն օր մի հերոսի հավիտենական կյանք են ճանապարհում, այս քաղաքի բնակիչները շարունակում են ստեղծագործել ու հերոսության դասեր տալ:
45,677 անդամ ունեցող «Կատակում են գյումրեցիները» ֆեյսբուքյան խմբում տեղադրվել են բազմաթիվ անկեդոտներ պատերազմի թեմայով:
Արսեն Վարդանյանը գրում է. «Հպարտության արժանի զգացողություն է, երբ ռազմաճակատում զինվորական համազգեստով, զինված հայր ու որդի հանդիպում են իրար:
Կարդացեք նաև
Ասում է.
-Ա’յ հեր, դո՞ւ էլ եկար…
Պատասխան.
-Հըբը գիտես ըդպես դուխով մո՞րդ ես քաշե…. »
Մեկ այլ օգտատեր էր կատակում է. «Պոստերին էղած ժամկետային զինծառայողը ընկերոջ մոտ կբողոքե.
— Յանիմ ձեռներս հազիվ պիճիլիկ պատերազմ էր ընգել, էն էլ ոչ էս հոպարները թողին թամամ կռվինք, ոչ էլ վերևները՝ օր վերջին հասցնեինք»։
Այս խմբի անդամներից մեկն էլ թշնամուն հեգնում է. «Կդորըմ մարդ եղեք, ոչ թե մարդակեր»:
՚Խմբի մեկ այլ անդամ էլ գրում է. «Կսե Հայաստանը միակ երկիրն է, օր փող կուդան բանակից ազատեն տղուն, հետո էլ ծանոթ ման գուկան, օր դիրքեր տանին մե ձևիմ»:
Նունե ԱՐԵՎՇԱՏՅԱՆ
