Շաբաթներ առաջ ԱՄՆ պետքարտուղար Ջոն Քերին նշել էր, որ ԼՂ խնդրի կարգավորման համար դեռեւս պայմաններ չեն ձեւավորվել: Նախօրեին Դմիտրի Կիսելյովին տված հարցազրույցում Ադրբեջանի նախագահ Իլհամ Ալիեւը, անդրադառնալով ԱՄՆ պետքարտուղարի նշյալ հայտարարությանը, նկատել է, թե այն «դիվանագիտական կազուս» է: «Չէ՞ որ այդ հայտարարությունն ամբողջությամբ հակասում է ԱՄՆ դիրքորոշմանը, նախագահ Օբաման Ռուսաստանի եւ Ֆրանսիայի մյուս նախագահների հետ հայտարարություն է արել, որ ստատուս քվոն անընդունելի է։ Ահա ԱՄՆ պետքարտուղարը հայտարարում է, թե չի տեսնում կարգավորման ելքը, ավելին՝ նա խոսում է այն մասին, որ այդ հակամարտությունը դժվար է կարգավորել, քան Պաղեստինի հակամարտությունը։
Ի՞նչ ազդակ է նա ուղարկում եւ ո՞ւմ։ Դա միանգամայն անընդունելի հայտարարություն է։ Եվ այդ հայտարարությունը եւս մեկ անգամ վկայում է այն մասին, թե ինչու հակամարտությունը չի կարգավորվել։ Ահա թե ինչու։ Որովհետեւ գոյություն ունեն որոշումներ, միջազգային կազմակերպությունների բանաձեւեր, որոնք կյանքի չեն կոչվում»,- նշել է Ալիեւը՝ հավելելով, թե Հայաստանի վրա, ի տարբերություն Ադրբեջանի, ճնշումներ չեն գործադրվում։
Թեմայի մանրամասները`
«Առավոտ»
Կարդացեք նաև
19.10.2016
